منتديات الامبراطور الادبيه

داحس · 07-27-2010, 10:13 PM

استلـــــــــــــــــــــــــــــم

سلام الله سلامٍ طيب وللطيبين يساق=وبيبان الردا والعذر يارجال مقفوله
نظام الامن والدوله يبا يخالف السواق= عسا السواق ماخالف نظام الامن والدوله

مجري · 07-28-2010, 03:07 PM

صح لسانك ياداحس

وفي إنتظار زعيمنا: خوي النشاما

داحس · 07-29-2010, 05:05 PM

اقتباس : المشاركة الأصلية كتبت بواسطة مجري [ مشاهدة المشاركة ]

صح لسانك ياداحس

وفي إنتظار زعيمنا: خوي النشاما

صح بدنك يامجري/ وعسى الله يجيب خوي النشاما

خوي النشاما · 08-01-2010, 01:59 AM

صح لسانك ياداحس ..والف شكر لخوي وحبيبي مجري واستلم انا كنت في نجد ماجيت الا اليوم.

عدد مادن رعاد السحاب اولاح به براق...

هلا يامرحبا بالشاعر اللي مسرج خيوله..

نظام الامن والدوله يدور واحد بواق...

وانا ماشي على درب النظام وصاحبي حوله

داحس · 08-01-2010, 05:48 PM

استلـــــــــــــــــــــــــم

لقيت الجره الحمرا وتوقيعك على الاوراق=وترى بعض الدعاوي يالسنافي غير مقبوله
مادام انك منصب والامانه داخل الاعناق= نقول الله يعينك وانتبه للدار وزحوله

خوي النشاما · 08-07-2010, 11:31 PM

علا وضح النقا نمشي وكرسيي علا المشراق..

ونا لي ذمة عما جرى ماهيب مسؤله.

وانا ماقلت فيك خلاف الك عنق مع الاعناق...

وابه موس يحت الروس لو ماهيب مبلوله..

اسف على التاخير لانني غير متواجد هذه الايام

جهز المسعري · 08-08-2010, 05:50 AM

صحت السنتكم واصلو الطاروق في بدايته وموفق

خوي النشاما · 08-08-2010, 02:32 PM

لاهنت ياريس

داحس · 08-08-2010, 11:22 PM

استلـــــــــــــــــم

الا ياراعي الكرسي نصيبك كرسي الحلاق= وكرسي المناصب ياعميلي منته بحوله
تدرب الراس بين الناس والذمه على المعلاق=ولو توزن على الميزان ماتملا ربع توله

خوي النشاما · 08-10-2010, 02:41 AM

هذا طبعك عسى الله يرزقك مانقطع الارزاق..

عسى داحس معين خير منها زاد مدخوله.

وانا اللي ياوسيع العرف الي ذمه والي ميثاق..

واميز هرجتي بين الرجال سيوف مسلوله ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

منتديات الامبراطور الادبيه

خوي النشاما اقرب لاعذر

خوي النشاما اقرب لاعذر